圖：本港硬幣數量龐大，總重量達3.4萬噸
【大公報訊】10元硬幣同5元硬幣，究竟邊款最厚身？肉眼睇固然高低難分，不過就算用把間尺度，都未必能夠準確分辨，因為只係相差0.1毫米，普通間尺唔一定有呢個量度單位。
現時在市面流通的硬幣，共有七種面額，分別是10元、5元、2元、1元、5毫、2毫和1毫，總數大約有64億枚。即係有幾多呢？金管局「小森阿四專欄」話，如果將所有硬幣鋪平，加加埋埋，總面積達到250萬平方米，即大約等於43個大球場。如果將所有硬幣疊高，差不多有1100萬米高，相當於「1200幾個珠穆朗瑪峰咁高」。
如果將所有硬幣加埋，總重量又係幾多呢？答案係3.4萬噸。無概念？大約等於3000幾部「收銀車」加埋。
講返最厚身硬幣，原來係「5蚊銀」，每個硬幣的厚度是3.3毫米；最重又係佢，每個重13.5克；最高流通價值又係佢，總值有23億元。至於最多流通量的硬幣，是面額最低的1毫，總數超過17億枚。
