80後：供樓辛苦都要買
逸瓏灣8低價號召力不錯，有80後買家直言「供樓辛苦都要買」。80後從事IT的張先生（小圖），年近30歲，在家人資助首期下斥資逾六球購入兩房自住，坦言若缺家人協助「都幾難買樓」，供款則由個人撐起，自言供樓固然辛苦，「香港邊個供樓唔辛苦」，要買樓便要取捨。雖然樓市仍有下行軌跡，認為有需要住「買到便買，無諗咁多，話唔定聽日可能世界末日添」。
Andy：無考慮跌市因素
買家Andy（小圖）動用700萬元購入兩房半單位，直言睇中項目位置，個人較喜歡清靜環境，項目位置比較舒服，所以無考慮同區開賣中新盤。對於會否憂慮樓市持續下調，直言有需要住便買，無考慮跌市因素。
劉氏夫婦：擬購兩房投資
居於同區的劉氏夫婦（小圖），眼見近期新盤開價吸引，並預料後市難有大波動，心郁郁後即時斥資650萬元買入兩房投資，睇中樓盤鄰近科學園，具發展潛力，又認為交通尚算方便。
