圖:「日落」音樂會在無觀眾的紅館中舉行
成立沒多久的「香港現場演出及製作行業協會」為音樂會幕後員工籌募抗疫基金,昨日主辦陳奕迅「Live is so much better with Music Eason Chan Charity Concert」網上慈善音樂會,分「日出」及「日落」兩場演出,並於網上直播。\大公報記者 陳惠芳
「日落」演出於因為疫情而關閉的紅館舉行,昨日下午5時,陳奕迅(Eason)踏上紅館舞台。
聲援幕後籌募基金
在簡單的舞台上,空空的座位下,Eason一口氣唱出7首歌曲。他以《幸災樂禍》揭開序幕,顯見心思。歌詞中如「大禍迫出你衝勁 反彈再致敬」「淡市沒有反應 繼續再打拚 疫症沒有反應 就轉換血清 絕嶺上求勝」,充滿打不死精神。他偶有忘記歌詞,靠其招牌傻笑帶過,整體演出不俗。今次即使沒有現場觀眾,他仍唱得興奮,唱完《後台》便說:「想借呢個機會,多謝每一位為呢個騷盡咗好多心機、血汗入去嘅朋友,我哋畀掌聲幕後製作嘅朋友。」Eason更樂天的說:「做人咁辛苦,做人都係為咗玩,我好希望大家唔好忘記要抱住『玩』呢個心態去做多啲、識多啲、講多啲有益嘅嘢,咁個地球就冇咁嬲。」音樂會以《我們萬歲》作結。演出後,他回到後台受訪時透露,今次是受到許冠傑及郭富城的演出啟發,促成這個慈善音樂會。
提供百個工作機會
Eason原本去年12月在紅館舉行演唱會,因黑暴而取消,這次再臨紅館,他說感覺大有不同:「因為冇觀眾。以往演出時同圍內一班朋友玩,玩緊時知道有觀眾睇住,但玩玩下又會唔記得咗觀眾,但突然又會醒起『係喎,有人睇緊』,會覺得有啲位可以再嚟過。」不過,他很滿意今次演出,大讚無論效果、音響等都有國際水準。今次慈善演出提供至少100個工作機會,Eason說:「好好,大家有薪水,有嘢做。其實由去年開始見到好多人冇工開,曾諗過『自己好冇用』。但我個人生活過得好充實,託賴可以維持到,可以在家做下換燈膽,整下牆角,接送囡囡,做番正常人做嘅嘢。」
今次演出夜場只得1小時,Eason也覺「唔夠喉」想有part 2,說:「要睇疫情發展成點,我好想,但暫時安排唔到。」他表示暫時仍然停工,始終以健康同安全行先。對於突然多了空閒時間,Eason愛上做gym,又愛上跑步,每日至少要跑4公里;又透露準備今次演出有壓力,日前在家中着波褲畀老婆形容皮膚鬆,他即刻發脾氣,但第二朝已同老婆道歉。
今次是紅館自疫情後首次開放,現場所見館方已做足防疫措施。 圖片:主辦方提供
網友反應
歌迷林小姐:「感謝Eason帶來的歌單,真的很有驚喜。」
網友余小姐:「美好的事物總是那麼短暫,多謝Eason!!!」
「日出」曲目
•《與你常在》
•《天使的禮物》
•《黃金時代》
•《太陽照常升起》
•《相信你的人》
「日落」曲目
•《幸災樂禍》
•《你給我聽好》
•《防不勝防》
•《夕陽無限好》
•《沙龍》
•《後台》
•《我們萬歲》