周末，貓爸和小貓到海濱散散步，吹吹風，吹吹水。

貓爸：小貓，維港真的很美！

　　小貓：爸B一向愛看海啦！日日對住維港，睇極不厭？

　　貓爸：點會厭！小貓，知不知維港是珍貴兼無價的天然資源？水深港闊，你睇對面的啟德郵輪碼頭，巨型郵輪進入維港停泊於此，晚上兩岸華燈映襯，美麗夜色世界聞名。

　　小貓：可惜兩邊海旁行人步道斷開一截截呢！

　　貓爸：爸B正想和你討論這一點，最新的《財政預算案》已列優化海濱為重點項目之一，預留了巨額資金準備「打通佢」。

　　小貓：我有睇新聞，預留60億嘛！

　　貓爸：計爸B話，晨早就要優化啦！

　　小貓：啱嘅，愈來愈多香港人愛上跑步，可以在維港兩旁跑步，吹着海風，的確幾寫意。

　　貓爸：到時小貓也可和爸B一起練跑。

　　小貓：到時？財爺話，整個優化計劃要持續十年，到時爸B跑得郁至算啦！

　　貓爸：點會跑唔郁？考考小貓，財爺早幾日公布，這個大型優化項目何時起動？最早在哪一處動工？

　　小貓：又出通識題，唔識答，爸B開估！

　　貓爸：財爺公布，優化海濱包括九個項目，而最先展開的工程，是東區走廊項目，預計後年動工，2025年前完成。

　　小貓：到時會不會駁通到我們家樓下？

　　貓爸：最好是這樣，到時爸B就可和你沿着海濱漫步去中環。

　　小貓：咪搞！你和媽咪慢慢行好了，小貓寧願搭車去中環等你們。

貓爸：爸B一定會和媽咪慢慢行，兩夫妻海濱漫步，夠曬浪漫！

　　小貓又翻白眼了，心想：明明講緊優化工程，竟然可以拉扯到什麼浪漫去，小貓真的有個傻爸爸。