本港新冠肺炎疫情持續，港人戴口罩已度過春夏秋冬四季，現時「無罩」出街形同裸跑。攬炒派西貢區議員葉子祈，唔知係咪有「露臉癖」，偏偏要「死雞撐飯蓋」，幾次三番被爆拒戴口罩後終惹眾怒。根據《預防及控制疾病(佩戴口罩)(公共交通)規例》列明，市民在乘搭公共交通工具時必須戴口罩，否則可被罰款5000元。唔知葉子祈作為區議員，係咪打算呃公帑交罰款呢?

　　葉子祈喺公眾地方拒戴口罩，早有前科。點新聞早前收到讀者爆料，無論是春節在商場派利是封，還是出席區議會，有葉子祈的地方就有「播毒」風險。佢今次喺巴士遭其他乘客聲討，已然「死豬不怕開水燙」，同一眾市民爭論，仲試圖引用《預防及控制疾病(佩戴口罩)規例》(第599I章)，指規例接納因身體上或精神上的疾病而除下口罩作為合理辯解，唔知係咪自持「有病」呢。

　　車上有乘客報警，警方趕來後向葉子祈作出嚴厲的口頭警告。但事後葉子祈反而玻璃心，覺得被罵是身為年輕人而遭受仇恨，亦提出「被假定係有病(確診者)。冇戴口罩出街一定犯法有病?」的迷惑言論，更抱有希望讓大家以同理心看待此事。小編認為，葉子祈對香港法例和防疫常識的無知、對公眾健康安全的無視及引起市民對其迷一般行為的無語，可謂是「三無」區議員喇!