「人民力量」噚日喺fb宣布旗下區議員唔准用「人民力量」身份宣誓，聲稱2021年4月10日「人民力量」舉行嘅特別會員大會，經出席會員投票，大比數通過「反對『人民力量』區議員，以『人民力量』會員身份進行今次『僭建宣誓』」。點知，佢哋唯一一個區議員黃大仙區議員溫子眾立即表示要退黨，真係「糧支」大過天，黨紀擺埋一邊。
溫子眾喺fb發帖表示，佢本人同辦事處同2021「關懷東頭」團隊會尊重「人民力量」特別黨員大會投票結果，但同時正式宣布佢今個月內會擇日退黨。哇，玩到咁大，我估「人民力量」呢一刻一定喺度撕心裂肺緊。之後，溫子眾仲繼續發文表示佢堅定做區議員嘅決心㖭!
