李嘉誠表示自學生從汕頭出發後，自己一直用衞星追蹤學生，看到他們從手機分享的故事，覺得十分感動。大公報記者何嘉駿攝
大公網2月19日訊（記者龔學鳴）如果划艇要划640公里，到底要划幾多日呢? 20名汕頭大學學生由2月11號喺廣東汕頭市出發，划足8日，終於係今日抵達香港，汕大校董會名譽主席李嘉誠親自迎接係黃埔海濱迎接佢哋呢！誠哥致辭嗰陣就話，自己11歲由潮汕嚟香港，路途曲折，要避開日軍，走咗一千公里先嚟到岸邊，嗰陣根本無見過大海，未經歷過風浪。今日時代已經改變咗，年輕人要變革創新，而支持教育改革喺誠哥一直無變嘅信念，希望為國家培養有執行力嘅棟樑。
另外，誠哥又知道其中一位隊員王毓慧喺其他隊員唔舒服嗰陣，一個人划足8個鐘，毓慧就話當時係第二日，浪好大，兩個隊友身體嚴重不適，所以佢堅持划足8小時，又好謙虛咁話，呢8小時唔係一個人嘅堅持，而係整個團隊嘅堅持，正正因為呢種堅定信念，可以令團隊由汕頭抵達香港。呢種堅定信念可以支撐佢哋走向更闊嘅海洋。
划足8日，到底係點樣如廁呢? 男隊員徐宇軒就話，其實艇上面有移動馬桶，一邊睇星，一邊「解決」，「其實都幾舒服嘅」。
