達哥危殆。

現年70歲的藝人吳孟達早前證實患上肝癌，兩個月前入院進行切除手術並進行化療。但近日病情急轉直下，有消息指吳孟達前晚已轉入ICU，情況危殆。醫生已通知達哥的家人到醫院見他，好友田啟文、艾威等亦趕往醫院。

今午(27日)約1時，艾威抵達沙田仁安醫院，被問到是否探望達哥，他說：「係，喺ICU。」是否見最後一面?他點頭說：「係。」便匆匆上醫院。田啟文透露已跟吳孟達家人商討處理身後事，他說：「佢依家已經冇乜反應，醫院已經Call曬屋企人，佢現在進入一個彌留狀態，好多情況都未知，屋企人已經亂曬籠，我都同佢企屋人夾緊，現在趕去醫院。」

問及田啟文有否通知其他圈中朋友見達哥最後一面?他說：「我冇通知，驚搞到好亂，我都冇曬反應，唔想搞到場面好失控。現在大家都有曬心理準備。佢屋企人當然唔開心，達哥媽媽都回來去睇佢，所有屋企人好傷心，喺佢身邊陪住佢。」

吳孟達近日情況轉差，要每隔4小時打一次嗎啡止痛，但已起不到作用。達哥不停向來探望的好朋友講：「好痛、好辛苦」。吳孟達在七年前曾因為心臟衰竭送入醫院深切治療部搶救，其後康復出院。走出鬼門關的達哥，最近卻在為內地電影《少林寺之得寶傳奇》拍攝海報時，突然感到心臟不適，用手按着心口，痛苦得臉容扭曲。

(點新聞記者陳惠芳報道)