大公網12月16日訊 青年新政梁頌恆、游蕙禎早前搞出咁大壇宣誓風波，而家立法會要收返佢哋兩個合共186萬薪酬，不過呢，佢兩個依然賴皮，話唔會回水喎！面皮真係仲厚過恐龍皮呀！佢尋日就係街頭擺街站，聲稱政府全面封殺議會抗爭路線，而香港人勢必回到街頭抗爭，「爭取我們應有之民主制度，捍衛我們的價值。」又話嚟到紅磡同市民接觸，為下一場抗命作好準備雲雲。
呢個游蕙禎，又唔回水俾政府，仲要叫人繼續抗爭，而家邊個會再信你呀！根本就係天仙局，不過而家被人拆穿咗啦！你睇下，網民幾乎一面倒鬧爆。網民Ping KT：「點解唔回水，仲大條道理?唔講九萬幾既月薪，你地每條廢柴都拎左(咗)八十幾萬『實報實銷』既(嘅)津貼，全部都係納稅人既(嘅)公帑，可否無賴少一次咁多?」另一網民Wing C. Ao：「你醜唔醜呀？仲敢出來獻世？」所以話，游蕙禎，你點都要回水，回水之後就唔好再喺香港搞搞震啦！
