大公網12月16日訊 而家香港人成日都要加班，想收郵包偏偏屋企又無人，又或者郵局一早閂門。咁點算呢?九龍東嘅朋友有福啦！香港郵政將會喺今個月19號，牛頭角安基苑安基商場新增「智郵站」，開放時間係星期一至日上午六點三十分至晚上十一點。市民只需要係「投寄易」網上平台（www.ec-ship.hk）登記申請領取郵件編號，就可以係選定嘅「智郵站」或郵政局享用領取郵件服務。登記領取郵件編號後，市民就會攞到獨一無二嘅領取郵件編號同埋代表已選定嘅「智郵站」及／或郵政局的子碼，然後通知寄件人喺郵件上寫上領取郵件編號及子碼。郵件抵達後，收件人會收到內含密碼嘅通知短訊，體驗方便安全嘅領件服務。
