強B早前病咗，仲惹病埋郭偉強兩公婆。網上圖片
早排轉天氣，鄭晴見街上都有唔少人中招病咗。聽工聯會郭偉強講，佢嘅B仔之前都病咗，搞到擔心咗足足一個月之後，BB終於好返喇，阿強都放心曬啦。
鄭晴都好奇阿強點樣照顧BB，阿強就話，帶BB去睇醫生都係派嗰啲藥，要好返始終都係靠BB自己嘅抵抗力。咁強B抵抗力點樣先「強上加強」呢？原來就係靠媽媽喺粥仔加入南瓜同菜碎嘅營養愛心餐喇。營養高，味道好，愛心足，唔怪得B仔好得咁快啦。阿強仲話，BB而家相當精靈、生猛，同爸爸媽媽一齊食飯嗰陣仲成日搶佢哋食嘅嘢，開始扮大人喎。
不過，阿強話，BB病咗之後，佢同太太都跟住被惹病埋，自己都未好返曬啊。佢話好多屋企有小朋友嘅家庭都係咁。
