我認我驚死唔敢衝喎」（設計對白）
尋日《明報》有個關於「本民前」梁天琦（西瓜琦）嘅專訪，一向強調「無底線抗爭」嘅佢終於認衰，話做事要有底線，自己就好難喺前線衝，「我現在要顧忌被即時還押嘅風險……我想這是我嘅底線。」又話「我其實係一個驚死嘅人」。不過呢，佢前日喺網台就話，從政唔會將真實一面攞嚟講，而係應該好似死敵楊岳橋咁，講啲好靚對白，心入面嘅感想、陰暗面就唔好講。嘩，葡萄到呢，鄭晴隔住個mon都聞到陣酸味。
西瓜琦又話，今次宣誓風波單嘢衰咗，證明現實同理論有落差，原本以為多人會同情，點知落井下石比較多。佢仲夠膽話而家米路被人斷咗，要大家課金支持。嘩，西瓜琦出事之後就去外國潛水，而家仲要攤曬手掌叫人畀課金，支持佢去潛水。鄭晴只可以講一句：「面皮厚過恐龍皮」囉。
