大公產品

首頁 > 产品 > 港东港西 > 正文

張華峰減肥秘方曝光

時間:2016-10-25 03:15:16來源:大公網

  圖:「肥老闆」話自己當年入行時得一百七十磅,仲透露佢嘅減肥秘方係選舉\資料圖片

  人稱「肥老闆」嘅金融服務界議員張華峰今屆立會選舉之後瘦咗十幾磅,不過鍾意四圍食好嘢嘅佢好快又肥返,而家都去到260幾磅。「肥老闆」透露,自己體重最高峰時達到280磅,就係2012年立會選舉之前,但打完選戰瘦咗三十幾磅,達到近年體重嘅最輕量級。「肥老闆」又好感慨咁話,自己當年入行時得170磅,都好fit,但係因為要做外匯買賣,晚晚通頂,工作到凌晨三四點,之後就去食宵夜,結果導致體重飆升。哈,唔講唔知,原來「肥老闆」嘅減肥秘方係選舉添。呢排又有個選舉嚟緊,即係特首選委會選舉。「肥老闆」身為立法會議員,係當然選委。金融服務界喺選委會就有18席,「肥老闆」話,近年很多中資證券行來港運營,也多咗唔少中資協會,今屆要同佢哋協調下點樣派員出選,希望可以組成18人名單咁話。

最新要聞

最新要聞

最受歡迎