大公產品

首頁 > 产品 > 港东港西 > 正文

野生捕獲星星局長搭港鐵

時間:2016-09-23 03:15:24來源:大公網

  圖:星星局長搭港鐵

  尋日係世界無車日,鄭晴作為環保嘅一分子,當然放低車匙,轉搭公共交通工具喇。咁啱朝早坐港鐵返工嗰陣,竟然畀我遇到環境局局長黃錦星!其實星星局長不嬲都身體力行響應綠色生活,話唔埋喺港鐵野生捕獲到佢嘅機會,隨時仲大過捕獲到「發哥」周潤發呀!

  講番世界無車日,環境局尋日透過Facebook專頁「大嘥鬼Big Waster」,用咗星星局長朝早搭港鐵張相宣傳活動,呼籲市民支持世界無車日!仲話私家車係其中一個造成空氣污染同噪音污染嘅源頭,佢建議有車人士,一齊乘搭公共交通,甚至用單車或步行,去想去嘅地方,同高碳生活Say Bye Bye!

  星星局長咁「貼地」,難怪尋日網上大把網民留言讚佢,仲有人封佢做「真.環保人士」。不過讚還讚,局長都係想更多人為地球、為環保出一分力,所以大家都要記得,千祈咪做大嘥鬼!

最新要聞

最新要聞

最受歡迎