大公產品

首頁 > 产品 > 港东港西 > 正文

馬逢國話建制派班長要孖住上

時間:2016-09-23 03:15:24來源:大公網

  圖:馬逢國贊成建制派班長由兩個議員拍住上

  民建聯元老葉國謙退下火線,近期坊間議論紛紛,新一屆立法會建制派班長誰屬?體育、演藝、文化及出版界議員馬逢國就同鄭晴講,佢贊成班長由兩個議員拍住上,實行拍拖更。點解要咁做?馬生用業界術語去解釋,佢話好似舞台劇咁,一年做365場,得一個人頂點得啊?梗係要有AB角啦,由兩個人輪流去扮演一個角色,都係好合理啫。

  馬議員又話,所謂班長都只係一個協調者,無權支配其他同事,佢嘅責任係要緊貼議會進程,預見有咩事發生就要及早商議,之後又要執行好,觀察形勢,防止甩轆,所以做班長唔單止要有溝通嘅能力同人際網絡,仲係好花個人嘅時間。咁邊個適合去做呢?馬生就笑言,天降大任於斯人也,去到邊個做都應該拍心口上。

  上屆做內會副主席嘅馬生又呻,上屆忙於議會內嘅事,今屆希望放更多時間同業界溝通。至於大會主席嘅人選,馬生就覺得新主席一定要夠硬淨,揸正嚟做,當有人違規就要果斷處理,執行議事規則,見到一啲唔合理嘅要求同行為,就要果斷裁決。

最新要聞

最新要聞

最受歡迎