圖：市民細閱本報奧運精英報道
內地奧運精英代表團嚟到香港就牽起全城熱話，《大公報》記者連日貼身追齊各個運動員同市民交流嘅情況，有關報道仲喺維園跳水表演場外同其他地區免費派發添。因為咁，無緣親眼睇奧運男女神英姿嘅市民，就可從報道感受下現場歡樂氣氛。
咁多靚相，奧運精英報道當然大受市民歡迎，好多人同鄭晴一樣，爭相拎返份搵下自己心儀「老公」……吖唔係，係心儀運動員嘅報道。鄭晴打開報紙就見到羽毛球好手林丹及諶龍、乒乓男神張繼科、馬龍，仲有中國女排等偶像「大神」，如果唔係咁快派曬，真係好想拎多份留念喇。
