圖：張夢雪來港認真學泳
緣分要嚟，有時「洪荒之力」都擋唔住。講緊邊個？就係三日行程中，安排同房嘅女子10米氣手槍決賽金牌得主張夢雪同人氣爆燈嘅傅園慧。兩人可謂一拍即合，友情嘅魔力，仲大到「槍手」都話要學游水。張夢雪仲同傅園慧講，「我真的是去認認真真學游泳的」再附加兩張泳照，睇落都有板有眼㗎。傅園慧就話，「我們會幸福的，我的小寶貝」，有網民就留言話，「這對太甜啦」！
查實佢哋同房第一日，已經互相喺微博傳情，感情真係一日千里，或者話「萬里」都唔誇！張夢雪首日就喺微博話，「香港的故事開始……從此我們幸福的生活在了一起」。傅園慧就甜蜜回應，「我們同居了，找到命中注定的人了」槍手、泳手平時大纜都扯唔埋，估唔到一個行程，就造就佢哋友誼，緣分呢啲嘢……
