大公產品

首頁 > 产品 > 港东港西 > 正文

蘇錦樑畀人「搞大個肚」?

時間:2016-08-27 03:15:21來源:大公網

  圖:局長應一眾大學生要求合照

  男人大肚?你無睇錯,鄭晴都無寫錯,尋日係大連工展會,商務及經濟發展局局長蘇錦樑(Greg)竟然咁講「我成日話佢搞大咗我個肚」,好「HEHE」呀,究竟經手人係邊個呀!

  話說Greg尋日係大連連踩幾個活動,包括去工展會撐場。鄭晴就跟住Greg一連睇十幾個攤位,去到德國寶個攤位,佢即刻畀老細陳國民捉住,「你試下部新炒蛋機呀!」Greg即刻甜絲絲咁笑住,呀唔係,微笑住先啱,「我成日話佢搞大咗我個肚」。鄭晴聽到後當堂嚇一跳,哈,原來Greg講緊個肚腩。

   一場嚟到,Greg幾乎有求必應,現場半百位大學生要求同佢自拍,佢都冇「托手肘」,仲展現埋純熟的自拍技巧,連環快拍得、十幾人一齊影都得,得咗!氹到現場學生笑到四萬咁口,果真有計!鄭晴覺得,有肚腩仔唔緊要嘅,最緊要有內涵嘛。

最新要聞

最新要聞

最受歡迎