大公產品

首頁 > 产品 > 港东港西 > 正文

經濟發展宣傳潮味十足

時間:2016-08-27 03:15:20來源:大公網

  圖:李小龍做出招牌手勢   網上截圖

  有人話政府啲宣傳片好悶,鄭晴尋日就喺商務及經濟發展局局長蘇錦樑嘅facebook,睇到經濟發展委員會最新嘅宣傳片,呢條片以動畫形式介紹香港嘅優勢產業外,帶出香港創新嘅一面,最重要段宣傳片係出自本地設計公司,本土得嚟潮味十足。

  蘇錦樑尋日喺facebook上載咗經濟發展委員會最新嘅宣傳短片,以輕鬆又正面嘅手法,令大家更明白香港嘅優勢同機遇,呢條片原來係出自一間本地新晉設計公司,宣傳片除咗加入動畫元素,更有李小龍做出招牌手勢,手掌寫有「Welcome to HK」嘅字樣,經典得嚟又有潮流味道,片段又以植物嘅根部比喻為香港嘅優勢產業,好似旅遊、專業服務、航運等等,啱曬鄭晴呢類年輕人。

  經濟發展委員會自2013年成立以來,就點樣擴闊香港經濟基礎,同埋促進香港經濟增長及發展嘅整體策略和政策提出了前瞻性嘅方向。委員會轄下四個工作小組深入研究相關產業,檢視同確定有助香港經濟進一步發展嘅行業,亦都提議扶助相關產業發展所需嘅政策同其他支援措施。為咗畀公眾更了解委員會和各小組嘅工作,委員會會製作五套短片,以輕鬆明快手法向大家介紹各項建議。

最新要聞

最新要聞

最受歡迎