圖：林健鋒上星期就去咗報名參選
經民聯副主席林健鋒（Jeffrey）早前已報名參選商界（第一）界別，競逐連任。鄭晴睇咗提名表格，發現Jeffrey獲得嘅20個提名中囊括咗香港大部分嘅商界巨頭，其中包括長和系李澤鉅、新創建許漢忠、新地黃植榮、恆基郭志雲、置地彭耀佳、九龍倉周令娣、夏利里拉的夏雅朗（Aron Hari Harilela）等。唔好以為得大商家撐Jeffrey，佢仲獲得唔少本地中小企支持，如代表馬得利洋行的總商會中小企委員會主席黃龍想、啟東電線電纜有限公司于健安、新大中國際李大壯以及楊敏健律師行楊敏健等。提名陣容咁星光熠熠，唔怪之得之前鄭晴問佢點睇選情，Jeffrey就話：「要選就梗係要有信心」啦。商界（第一）界別參選人還有自由黨陳浩濂。
