圖：陳克勤尋日喺Facebook上載咗張「琳鋒鼎李」政綱，發現佢哋四個人竟然只得七隻腳
民建聯副主席周浩鼎，拉埋三位年輕黨友李世榮、林琳同巫成鋒（阿鋒），組成「琳鋒鼎李」組合，出戰立會選舉「超級區議會」界別，話要為香港創出路。但詭異嘅係，出選新界東的黨友陳克勤尋日喺Facebook上載咗張「琳鋒鼎李」政綱，發覺佢哋四個人竟然只得七隻腳！鄭晴都以為自己眼花，睇真啲，原來係阿鋒有隻腳唔見咗，另外一隻腳嘅比例仲唔係好啱，克勤仲話係政綱靈異事件添，就快到農曆七月了，鄭晴認真怕怕！阿鋒就同鄭晴講，唔係咩靈異事件，其實係世榮遮住佢隻腳，而執相嗰陣，可能有人將佢拉長咗，所以先顯得比例唔啱，佢自己亦唔係好介意。咪係囉，「琳鋒鼎李」一向行正路㗎嘛，點會咁唔老黎啊。
鄭晴提提你，已報名參選「超區」嘅名單還有李慧琼、王國興、陳琬琛、梁耀忠、塗謹申、鄺俊宇、關永業、何啟明；報名出選新界東的名單還有葛珮帆、鄧家彪、容海恩、李梓敬、方國珊、林卓廷、楊岳橋、梁天琦、張超雄、范國威、侯志強、梁國雄、陳志全、麥嘉晉、李偲嫣。
