大公產品

首页 > 新闻 > 正文

專家的話/「變種野豬發嬲 會搶嘢食」

時間:2021-11-29 04:26:56來源:大公报

  前大埔野豬狩獵隊隊長楊佳權接受《大公報》查詢時表示,野豬天性懼怕人類,棲身山野,習慣在夜間覓食野果,本來襲擊人類的機率不高,近期頻頻發生野豬襲人個案,元兇是市民非法餵飼。

  「野豬習慣了畀人餵,覺得你餵佢係應該,當佢哋聞到好香嘅食物,你唔餵佢,佢哋就會發嬲同搶食物,襲擊人的機會就大大提高」,楊佳權形容這些是「變種野豬」,變了「雜食」,而且不怕人,具有攻擊性。

  楊佳權說,「就好似金山嘅野生猴子一樣,不停有人餵飼,佢哋唔再怕人類,當見到有人攞住袋同背包,以為你會餵佢哋,就開始搶食物,你唔畀食物時,就會攻擊你」,他感嘆是人類打亂了大自然規律。「野豬係野生動物,加上體形龐大,一旦狂性大發,後果嚴重!」

  至於外賣員為何被野豬攻擊?楊佳權分析,是因為該頭野豬經常被人餵食,習性已「變」,「當喺市區覓食時,野豬聞到外賣員拿着很香嘅食物,以為又有人餵佢,於是就搶嘢食,外賣員唔畀,野豬就發嬲施襲」。他指出,「變種野豬」會食垃圾和動物腐屍,口水有很多細菌,就像科莫多龍一樣,人若被咬傷,好容易感染細菌,輕則發炎,重則有生命危險。另外,野豬在人潮如鯽的鬧市發狂亂撞,後果難以想像,他認為當務之急是減少野豬數量。

最新要聞

最受歡迎