圖：長者儀姐指超市加價太貴，買唔落手。

　　【大公報訊】記者劉婉燕報道：兩大超市在疫情下仍然加價，一眾低收入人士最受苦，有退休長者表示，超市出售的食物近年不斷加價，形容是「貴到買唔落手」，但年紀大，無力四出格價，唯有無奈光顧「捱貴價貨」，十分肉赤，或轉往街市，在疫情下心驚驚買餸。

　　轉往光顧長者優惠店舖

　　年約70歲的珊姐退休前任職導遊，現時靠積蓄與長者生活津貼度日。面對超市加價，唯有來回多間不同超市「格價」，她居住唐樓，無電梯，上上落落已很疲倦，「仲要周圍走嚟走去格價，真係辛苦，唯有去少啲超市，食少啲罐頭囉。」她說日後會多到街市買新鮮蔬菜，代替罐頭及急凍食品。

　　年逾60歲的儀姐居住土瓜灣公屋，百佳、惠康就在住所附近，看着一向有買的豆豉鯪魚罐頭，售價由多年前的15元，加至現時30元，認為十分離譜，「以往買罐頭係為咗慳錢，而家剛好相反，真係貴到買唔落手！」她說唯有到區內小店格價。

　　年逾70歲的公屋居民李女士也說，疫情下，看着住所附近的超市一直加價，「八公斤裝泰國米，舊年70幾蚊，今年加到差不多120蚊，呢兩年加得好犀利，連橙都要平均7蚊一個，以前都係5蚊左右咋。」她說唯有轉往光顧區內有向長者提供優惠的店舖，節省開支。

　　深水埗劏房居民麥小姐說，疫下為了慳錢，主要買即食麵、罐頭充飢，但超市不斷加價，她很無奈，「食又貴，用又貴，租金又貴。」她希望兩大超市在疫下與市民共渡時艱。