【大公報訊】記者方學明報道：「我之前都有考慮過換揸電動車，但行過車行，發現電動車嗰價依然偏高，另方面香港喺電動車例如充電等配套設施唔普及，令到我暫時唔會考慮換電動車住。」本身擁有車齡八年汽油車車主李先生向大公報記者說。

　　他以生產自韓國、現代汽車車廠型號IONIQ為例，電動車價格為35萬多元，混能（Hybrid）版價格則只26萬多元，兩者相差達九萬元。「我都希望為環保出一分力，但考慮到配套設施停滯不前，都係繼續用汽油車。」

　　就財政預算案將包括電動車在內的牌費及首次登記稅增加，李先生稱感到無奈，但仍未足以令他有更換電動車衝動。「1500cc汽油車牌費加114元交通意外傷亡者援助基金，一年係3929元，加價後變成5074元；電動車以普遍車重2500公斤為例，一年牌費係1124元，加價後變成1430元，雖然加價前後兩者相差由2805元拉遠至3644元，但我都係唔會考慮電動車住。」他直言最大擔心是電動車中途沒電。

　　香港汽車會會長李耀培表示：「我認為唔應該加電動車牌費，反而應該大力增加電動車基礎建設，加強配套同提升優惠等，但預算案隻字不提，我暫時亦睇唔到誘因吸引市民轉用電動車。」

　　至於汽油車方面，他認為現時並非加牌費最好時機。「都20幾年冇加，點解偏偏喺疫情、經濟唔好時加，點解唔等經濟好少少先加。」