大公產品

首页 > 新闻 > 正文

港東港西/歐盟派員「旁聽」國安案審訊 干涉香港事務死唔斷氣\鄭晴

時間:2021-01-20 04:23:34來源:大公報

  西方國家為抹黑香港國安法實施又有新動作。歐盟聲稱,自去年中起已有派員旁聽「香港民主派」被控違反國安法的相關案件。歐盟發言人仲話,對香港國安法深表關注,指其不符《中英聯合聲明》的國際承諾。

  工聯會會長吳秋北同鄭晴講,歐盟各國自己都有國安法,咁香港有國安法亦都好理所應當,佢直斥歐盟嘅行為雙重標準,舉止令人費解。吳秋北仲話,眾所周知攬炒派一直同外國勢力勾結,喺香港製造暴亂,所幸國安法出台後亂局有所收斂,而家歐盟咁關注相關案件嘅審訊,佢認為係坐實咗二者有勾結,亦證明咗國安法嘅必要性。

  陳勇:歐盟理應反思致歉

  民建聯副主席陳勇就狠批歐盟唔關心自己國家嘅疫情同民生,亦唔關心「親密盟友」美國用軍隊對抗國民,「幾乎搞到內戰」;根本就是放着「太陽、月亮」唔理,只係關注「螢火蟲嘅光芒」,簡直不可理喻。佢直言,呢啲歐盟官員理應對自己國家嘅選民負責,而非對他國國民。陳勇仲話,歐盟國家屢屢收留「流亡黑暴」,令人懷疑刻意針對中國,理應反思同致歉,而非進一步干涉中國內政。佢重申,任何人喺香港違反國安法都應該受到懲罰,這是毋庸置疑的。

  工聯會前立法會議員王國興同民建聯立法會議員葛珮帆接受傳媒訪問時,就批評歐盟想干預香港司法,話旁聽會無形中向法官施壓。

最新要聞

最新要聞

最受歡迎