繼工黨李卓人被揭賤賣美孚新邨單位套現後，與李卓人同樣有官非在身的民主黨副主席林卓廷近日亦賣出其於沙田翠湖花園的自住物業，套現千萬港元。

　　據地產代理資料顯示，林卓廷位於翠湖花園的3房1102平方呎連車位的單位，最近以1268萬元成交。林卓廷於2009年買入該單位，當時購價為552萬元，即目前賬面賺716萬元。

　　連登仔 ：點解唔捐畀612基金

　　身負官司嘅攬炒派接連出售物業套現，令唔少網民質疑佢哋是否準備隨時「走佬」。林卓廷回應傳媒時解釋稱，賣樓主要是要套現應付多宗官司及子女升學費用，之後暫時會租樓居住。他堅稱自己絕不會離開香港，賣樓並非準備「走佬」，且自己有多宗官司在身，旅遊證件亦被扣起，「走佬」是不可能的事。

　　林卓廷現時最少身負五宗刑事案件、面對八項控罪，雖然而家言之鑿鑿，但其前黨友許智峯去年都係實牙實齒話唔會潛逃，如今卻一家人在英國嘆世界。至於佢話無旅遊證件，就更加不足為據：近年有幾多個逃犯係攞護照大搖大擺出去的呢？

　　與此同時，攬炒派唔少「手足」就質疑林卓廷忘記了當初「齊上齊落」嘅承諾：「幾多手足坐緊監，幾多手足在海外三餐不繼，你仲有成千萬畀子女讀書？」有連登仔就話：「612（基金）都就嚟乾塘，係咪應該多少攞返啲出嚟撐下手足呢？」