壹傳媒創辦人黎智英入獄後,外界都關注壹傳媒嘅營運狀況。鄭晴聽聞,壹傳媒旗下嘅《蘋果日報》突然炒咗主管突發新聞嘅阿頭,據稱理由係黃國桐被捕無做直播。事件引發內部諸多不滿,有人抱怨「過年前話炒就炒,一啲情義都無」。另外,《蘋果》動新聞最近都有資深員工遞信離職,據了解係有人想移民英國。消息話,而家壹傳媒唔少人心灰意冷,唔排除年後有更多人跳船。