大公產品

首页 > 新闻 > 正文

陳梓維收街坊求助 搵「對家」幫手解決

時間:2021-01-15 04:23:35來源:大公報

  圖:油尖旺區議員陳梓維(圓圖)要靠該區前區議員幫手解決地區問題,仲要自己在社交平台發帖自暴其醜。

  能力飽受外界質疑嘅油尖旺區議員陳梓維近日再出醜。佢話日前接到街坊求助,指大廈外牆有大幅不明污漬,擔心係糞渠滲漏造成,佢「咁啱冇該法團電話」,所以就通知咗「對家」幫忙,仲話「為咗慎防對家將投訴當成自己工作,所以在此立下證據」雲雲。

  陳口中的「對家」,就是該區前任區議員葉傲冬,葉傲冬話:「議員上門搵前議員作個案轉介真係第一次。」又強調幫手都冇諗過抽佢水,希望陳對得住「糧支」,仲話歡迎佢繼續轉介個案。

  有市民留言直斥陳梓維無能:「從呢件事睇出,唔係政治立場問題,而係能力問題。」亦有人認為陳梓維作為區議員,應更主動聯絡當區民政事務處跟進,「唔識跟學嚇點跟,而唔係畀對家跟㗎!」又指此事係陳「射波嘅最好證據」。

  陳梓維隨後再發帖,辯稱接獲投訴後曾嘗試要求保安員代為聯絡法團主席及管理公司,指保安員拒絕合作更反指何解不通知民建聯,所以佢先決定去搵對方,又話「單單聯絡法團主席一事對他們來說應該不會困難吧?」引來市民再質疑:「推咗畀對家做就當做咗,自己仲講咩利申,真係沒有最低智,只有更低智。」

最新要聞

最新要聞

最受歡迎