圖：錢大媽菜肉店以價廉物美招徠，保證不賣隔夜貨，大受市民歡迎。

　　疫情重創香港經濟，隨處可見店舖結業，打工仔無工開等慘況，惟有危便有機，有內地品牌菜肉店以價廉物美招徠，專攻民生區地舖，短短數年內，分店增至超過30間，大部分是在疫情下火速擴張。大公報記者深入觀察，發現該品牌規定晚上明碼實價提供遞進式折扣優惠，吸引市民搶購。有顧客表示：「錢大媽明白市民實際需要，唔係一味只識講錢，同一味只係貴嘅超市好唔同。」

　　近日天氣嚴寒最適合打邊爐，新冠肺炎疫情下，外出用膳要遵守兩人一枱等社交距離措施，不少人改為宅在家買餸煮飯。標榜「不賣隔夜肉」、每日晚上七時後開始減價的連鎖新鮮菜肉店「錢大媽」，店內不時見到人頭湧湧。

　　較超市便宜逾半掀搶購

　　「我最欣賞佢哋（錢大媽）每晚七點開始有折，七點九折、七點半八折、八點七折，如此類推，去到八點好多時已經半價，雖然佢哋本身價錢唔係平超市好多，但一到半價真係平好多，啲人爭住搶購。」居住土瓜灣的李小姐說。

　　她以梅頭瘦肉為例，該店每斤賣108元，超市每千克賣224.8元（即每斤112.4元），但半價後，該店變相每斤只需54元，較超市便宜一半有多。她又以美國白雞蛋為例，超市平均22元，該店15隻盒裝賣12.5元，半價更只需6.3元，每隻四毫多。

　　「社會應多啲良心店」

　　疫情下，這種標明減價時段的營銷策略十分受落，吸引市民前來掃貨，「我覺得抗疫已經好攰，社會應該多一啲體察民情嘅良心店舖，呢個品牌我覺得做到，佢哋明白市民實際需要，唔係一味只識講錢，同一味只係貴嘅超市好唔同。」有顧客說。

　　事實上，光顧該店的顧客，老中青均有，有青年顧客稱欣賞該店善用社交媒體的宣傳方式，例如每有新店開張，即大派三天蔬菜，並經常在社交網頁推介合時菜譜等，大受歡迎。

　　大公報記者連日到該連鎖超市的多間分店直擊，每晚七時半左右，顧客明顯較前多了，八時左右更擠得水泄不通。雖然門前當眼處列明不同時段的折扣優惠，但記者連日分別在北角、土瓜灣及深水埗店觀察，店舖未必跟足標示的減價節奏，通常踏入減價時段後，實際折扣較標示的大。

店長曾失業有同理心

　　「折扣係彈性處理，總之跟規矩七點開始有折，之後點減店長自行決定，呢間（土瓜灣馬頭角道店）一般八點開始半價，八點半至八點九食材全部賣曬。」60多歲的麥婆婆向記者。記者見到，店舖提早賣清店內貨品後，店員便趕緊全店徹底清潔，再迎接另一天來臨。

　　「我每日都去錢大媽買餸，除咗因為佢平，仲因為（錢大媽）店長、員工會有一份同理心，佢哋唔會硬塞啲貴價或多餘嘅貨迫我買，明白我哋基層感受，唔似其他店舖，呢頭叫完我買，轉頭鬧我死窮鬼，我感受到佢哋嘅溫暖，唔係一味講錢。」

　　土瓜灣樂民新村居民明哥每天步行15分鐘，到馬頭角道的錢大媽分店幫襯，屬長期「擁躉」，即使途中經過街市或售賣貨品更平的菜肉店舖，他亦堅持去錢大媽買餸。

　　明哥原本在一間專營替旅客安排酒店住宿的公司任職主管，惟受前年黑暴及去年疫情影響，旅客大減，公司於去年八月結業。明哥失業後，靠積蓄過活，「之前做幾十年嘢，買乜買物，最緊要快，而家失業，幫襯一啲我認為值得幫襯嘅店舖。」

　　明哥光顧的店舖，投資者是著名羽毛球教練，因疫情下收入大減，轉行經營菜檔。店長本身也曾經失業，明白失業人士的感受，故在營運菜檔時，注入不少人性化元素，「失業人士最需要係人哋關心佢，佢哋嚟菜檔，最希望得到係最中肯、最有建設性嘅提議，好憎畀人呃畀人搵笨，所以我會主動同客搭訕，明白佢哋需要，推介最適合嘅食材。」