「我哋要有信心，只要疫情受控歸零，大家就可以回復以前嘅通關方便。」

　　「我本身係一位時裝設計師，喺江門有間工廠，主要設計自家皮革服裝品牌，再將產品內銷中國大陸或東南亞等多個地方，但係疫情之下，我返唔到去江門監督住啲服裝製作，工廠等於停擺。我呢刻只係好想快啲落實粵港澳三地通關，令我可以北上處理事務，工廠回復正軌。」60多歲的鬼塚本身是時裝設計師，也是合約演員，在無綫電視台任職。

　　「如果可以，我都想即刻返上江門處理工廠事務，即使隔離14日，我都無所謂。但我亦係一位合約演員，公司工作通告一般會喺48個鐘頭前發出，48個鐘頭後一定要去到拍攝現場，呢個狀況下，根本唔容許我有超過14日或者28日嘅突然離開。」鬼塚無奈地說。

　　他表示，疫情前平均每星期有兩、三天到內地處理工廠事務，惟疫情後已無法北上，令工廠猶如半停滯狀態。

　　他說，「因為我係做自家品牌嘅皮革服裝生意，每件都係限量生產，所以每件嘅出品都特別嚴格，一定要由我親自設計、監督，直到完成，中間每一程序同過程，一絲不苟。」

　　 就政府昨日宣布放寬港人由內地返港的檢疫安排，鬼塚表示歡迎，認為是步向全面通關的第一步，「任何事都要循序漸進，一步一步嚟，而家第一步開通咗，自然會有第二步、第三步，我哋要有信心，只要疫情受控歸零，大家就可以回復以前嘅通關方便。」