同是放風箏，在大埔墟海濱公園也有一群風箏發燒友，但他們鬥靚鬥高不鬥命，一見到有人鬥鳶，便把其趕離現場，「鬥鳶好危險，公園好多一家大細喺度玩，容易弄傷他人，而且鎅到其他風箏都好大損失！」
海濱公園常客、風箏發燒友玖零（化名）說，「一望動作就知道，我哋放風箏，一飛上天就唔會咁扯法，佢哋（鬥鳶者）會係咁扯線，控制風箏動作去鎅人哋風箏。而且過去一摸就知道，玻璃線嘅手感好粗。」
玖零說，每當見到有人走來公園鬥鳶，便會主動趕走他們，「太危險，一鎅到，一定會皮開肉爛。正常放風箏熱點，都會有人趕佢哋走，只有泥涌無王管，而家成為鬥鳶者聚集嘅戰鬥場。」
「真正嘅風箏愛好者，啲風箏一係花重金購買，一係就花好長時間自己製作，一旦被人鎅斷飛走，唔傷心先奇。」風箏發燒友李先生一邊放着花上千元購買的16平方米大風箏，一邊說道。
