圖：阿傑表示，行內根本沒有「長工」可言，大多數是以日支薪的散工

　　【大公報訊】記者方學明報道：「我有畀強積金供款，每日扣錢，我都唔知我究竟係一般員工、長散、散工，還是自僱人士。」32歲的阿傑是地盤「釘板」工人，入職10年，2018年「好景」時，啟德、白石相繼發展，行業以「工會」價格日薪2500元計算，每月開工約25天左右，平均收入可達五、六萬元，但黑暴、疫情接連衝擊，收入現已大不如前。

　　「今年過年後就好靜，地盤因冇材料，又怕傳染病毒，大部分停工。2至4月我每月只開幾日工，上月先好返少少，開到15日，但就畀僱主壓價，日薪由2500元減至1500元。」

　　阿傑稱，行內根本沒有「長工」可言，美其名「長散工」，實際也是以日支薪的散工，「通常判頭以工程為期限搵人，最長一年半載，最短三個月，但不論期限長或短，所有工人都以日薪計糧，有工開有錢，冇工開冇錢，鍾意換人就隨時換人。」他說曾經一個月內更換多個僱主，一年內更換五至六名僱主是平常事。

　　他有供強積金，但僱員供款部分會由當天僱主在當天薪金自動扣起，每天以100元為限，日薪2000元或以上一律供款100元，少於2000元則按5%被扣起，「我相信僱主有幫我哋供款，但實際有冇，我真係唔知。經過今次保就業計劃，我希望當局可以釐清我哋身份，係僱員？長散？散工？還是自僱人士？」