大公產品

首页 > 新闻 > 正文

洪先生:執番條命已係最大恩典

時間:2020-02-22 04:23:15來源:大公報

  圖:洪先生(右)希望當局協助同船其他確診港人,助他們渡過難關

  「我好少去旅行,諗住趁農曆年假期,兩公婆坐下郵輪去旅行,使成40000幾蚊兩個人,但點知上咗『賊船』,唔好話難忘,係差啲無命,死過翻生,呢一世都唔會忘記。」在駿洋邨被隔離的鑽石公主號乘客洪先生透過電話向大公報記者講述他們的郵輪故事。

  洪先生本身任職三行,妻子是家庭主婦,這次郵輪之旅動用了他們的積蓄。回憶郵輪上的日子,洪先生猶有餘悸,「初時都冇乜嘢,但當船停靠橫濱唔畀人落船,我就知中招。」洪先生說:「我覺得日本輕視咗疫情,幫我哋抽血嘅醫護只帶上外科口罩,頭幾日送餐食物無遮無掩,之後先有獨立包裝。」

  唔敢開門窗 驚病毒入房

  面對每日數以十計確診新冠肺炎數字,洪先生坦言「唔驚就假」。「我同老婆匿喺房唔敢出去,雖然有露台有落地玻璃,但一開落地玻璃,房間即時扯風,驚病毒吹入房,所以我哋冇開過落地玻璃。」他直言至臨走前數天,船公司才派人將房門上的百葉窗封上,已經很遲。

  洪先生本身喜愛音樂,原意透過郵輪假期看下書、聽下音樂,洗滌心靈,但最終事與願違。「我晚晚瞓唔到,又驚病毒入侵,又驚中招,無曬自由,仲邊有心情聽歌睇書?」他仍然非常關心同船其他確診港人乘客及緊密接觸者,希望當局提供協助,幫他們渡過難關。「邊有人想確診,邊有人想住一個言語不通國家嘅醫院,我希望當局盡全力幫佢哋,佢哋可以靠嘅只有政府。」

  面對仍有10多天被隔離的日子,洪先生直言自己已算非常幸運的一群,不奢求當局還提供更多。「我哋執番條命,已經係最大嘅恩典,希望政府將資源放在幫忙其他更有需要人士身上。」

最新要聞

最新要聞

最受歡迎