圖：潘先生的眼鏡舖近月生意跌至接近零，但他堅持略盡綿力幫助老弱

　　「我畀五個口罩你，以後唔好再排隊輪口罩啦。如果冇就返嚟問我攞，我有會畀你，但如果我都冇就冇辦法。」愛民邨愛民商場一間眼鏡舖內，店東潘先生向一名身體孱弱的長者送上口罩及消毒液等防護裝備。

　　60後的潘先生在商場經營眼鏡舖多年，主要做街坊生意，直言「行開行埋」個個認識。惟疫情爆發後，店外幾乎每天都出現一個怪現象，一群長者在對面的連鎖店前排隊聚集，即使店鋪張貼沒有口罩出售告示，但依然有人排隊。「我每日見到真係好慘，好多都係搶又唔夠人搶，排完得個桔嘅老弱長者，我知佢哋需要口罩，所以決定送。」

　　「長者排完隊得個桔好慘」

　　潘先生部分送贈的口罩是以市場價購買，再五個一包送給特別有需要長者。「之前有朋友送我5000個（口罩）派畀有需要人士，但之後唔夠，我就自己買，1000蚊四盒200個咁買，之後攞嚟送。」

　　但潘先生並非人人贈送，只會選擇一些身體較為虛弱或行動不便人士來贈送。「識行識走、有經濟能力嘅我唔會送，我只希望幫一啲真正有需要，買唔起貴口罩嘅人。」

　　面對疫情，人人生活受影響，潘先生也不例外，眼鏡舖近月生意跌至接近零，為縮減開支，多名員工被迫放假；然而潘先生堅持略盡綿力幫助老弱，他直言與過去一段經歷有關。「我曾經有好多間眼鏡舖，但沙士時我破產，試過因為冇錢交費被暫時停止視光師牌。」

　　他直言，香港人種種困難也能捱過，但目前最需要是團結及同舟共濟精神，他希望大眾保持着要打贏疫症的正能量精神，而不是互相批評和指責。