個案二：

　　身份：名校中四生彤彤（化名）與媽媽

　　「佢話參加學校三日兩夜宿營，但根本冇呢回事，問佢去邊又唔講，只係話冇做錯事。但三日兩夜，男男女女共處，點會冇事發生？」──彤彤媽媽

　　「爸爸在內地做生意，阿囡做暴徒，究竟有冇諗過對爸爸生意影響？如果唔係佢（阿囡）啲同學畀『帝吧』起底，佢唔會停手。」媽媽說。

　　16歲的彤彤在九龍區一間名校就讀中四，在小康之家長大，爸爸於內地做生意，媽媽是家庭主婦，家中還有就讀中一的弟弟。一家四口在九龍塘區私樓居住。彤彤樣貌標致，人緣甚佳，也有主見。

　　但是，暴亂令彤彤徹底改變。「佢以前好聽話，但發生7．21元朗打人事件後，好似變咗另一個人，話要用勇武方式爭取民主，又跳閘，又破壞港鐵設施表達不滿。」看着彤彤變得偏激，媽媽很無奈。

　　「好多網上識嘅男仔搵佢」

　　媽媽想，只要彤彤沒有做出更嚴重的出軌行為，便只好「隻眼開隻眼閉」。直至八月，彤彤被踢爆講大話後，母女關係變得惡劣。「佢話參加學校三日兩夜宿營，但根本冇宿營呢回事，問佢去邊又唔講，只係話冇做錯事。但三日兩夜，男男女女共處，點會冇事發生？」

　　媽媽最擔心是女兒成為暴徒「天使」，「失驚無神好多網上識嘅男仔搵佢，（對方）搵佢就即刻出去。有時一出去，幾日唔返。」媽媽說，她曾心平氣和地與彤彤談話，最後不歡而散。

　　媽媽其後得悉有親子調解服務便主動求助，經過與調解員多次單獨見面後，彤彤立場開始軟化。而且她的一名同學被內地網站「帝吧」起底，她更不想連累家人，才願意與媽媽見面。

　　「佢（彤彤）係意識到暴徒行為變質，唔認同掟汽油彈、企圖殺警、破壞店舖等，更加不滿一啲人比黑社會更黑社會，漫無目的周圍搗亂及恐嚇。」媽媽說，彤彤與暴徒曾經發生爭執，之後被人恐嚇及要挾，但礙於不想讓事情「搞大」而沒有報警。

　　母女二人最後達成協議，包括彤彤每次外出必須「報平安」、不會在外留宿等；媽媽則必須信任女兒不會做錯事。同時間，媽媽已啟動送彤彤到外國留學的程序，「只要佢唔好群埋班壞人，我乜都願意，佢鍾意讀乜都得。」

（以上訪問在只有媽媽接受情況下進行）