圖：中大日前被暴徒佔據，搞到烏煙瘴氣\資料圖片
中大、理大校園先後淪為暴徒為非作歹嘅據點，市民都心痛本該孕育社會棟樑嘅高等學府，變成暴徒製造汽油彈同武器嘅兵工廠。有市民就喺網上好抵死咁話，多間大專院校合共有近300公頃用地，既然大學已經淪為暴徒堡壘，政府應該收回土地用來建屋，至少可以解決土地短缺問題，人人有樓住；市民仲話，香港嘅大學可以搬返去大灣區，等唔鍾意香港嘅大學生，可以離開香港又有書讀。
鄭晴真係好欣賞呢啲市民嘅創意。八大政府資助大專院校合共佔地逾298公頃，相當於14個太古城，粗略估算可以起到超過18萬個600至1200平方呎嘅單位，如果起公屋，即刻可以解決現時近26萬公屋輪候人士嘅住屋需求。至於將香港嘅大學搬返大灣區，鄭晴先糾正一下概念，其實香港都係大灣區其中一個城市，但喺大灣區內地城市起香港大學城，鄭晴又覺得真係值得考慮喔！
