【大公報訊】著名導演李力持15日在Facebook上傳了一段由一名市民講述親身經歷，表示遇到一名年輕人派傳單號召參與遊行，所用的理由是「坊間的說法」，「人雲亦雲」。

　　該市民一一回應了相關說法，勸喻年輕人應該看清楚修例的內容，不應再做破壞香港的事。「唔好破壞街道霸住道路，影響民生，畀條生路來行，唔該你。」

　　以下是原文：

　　剛剛在街上看到有年輕人派傳單宣傳，叫人星期日去遊行，佢畀我，我問他關我咩事？他話會影響香港樓價跌，因為商家會走佬。

　　我話邊啲商家會走，他話如劉鑾雄，我話他犯咗法。而且一個商家走了也會有其他商家來，他話立咗法，每人都會受到影響，我問他我不犯法有何影響？他話大律師公會發了七條說明，我話他們大律師點解唔提出可行的建議同政府商討，在立法會傾？

　　然後他話立咗法就返唔到轉頭，而且話唔相信中國法律，我問他過唔過馬路，怕不怕被車撞到，那為何仲要過馬路？

　　同樣，咁多估估下的嘢，咁多無人可預計的事，就同過馬路一樣，不過唔得，因為目的地要咁行，必須要行的，咁唔好彩，真的出事有問題，可以再改，再修訂，法律本來不完善，一直也是修修補補，立法會的功能就是為了完善法律，點解咁反應咁大？

　　年輕人，唔好被人洗腦誤導，你返去睇清楚發生咩事先，好好地看清楚今次《逃犯條例》修訂內容。唔好做破壞香港的事，我都係香港人，都想香港好，唔想你人雲亦雲，你唔好破壞街道霸住道路，影響民生，畀條生路來行，唔該你。多謝你。

　　各位朋友，救救孩子，救救年輕人，唔好再被誤導。我只知道香港沒有了咁多罪犯，香港會更好。