圖：大部分夾公仔機具有裝置控制電流流量
有夾公仔店「執笠」，卻也有夾公仔店生意興旺。「夢之抓物」負責人Mars經營夾公仔店大半年，由最初的一間，開至四間分店，每間店每月營業額達20萬，預計七月前有六間加盟店開張。
Mars的致勝之道，在於從不調校機械。「要調校機械，令客人無可能夾到公仔好易，例如減弱電壓令手爪冇力，校鬆手爪螺絲令手爪有虛位等，都可令客人夾唔到，但我堅持唔做手腳，目的係要儲熟客，令佢哋享受夾公仔樂趣。」
Mars擁有夾公仔機數十台，全部與內地廠家直接訂造及入貨，抵港前進行測試，證實電流與機械臂未動過「手腳」，均是原裝設定。推出市場後，禁止員工改變任何夾公仔機設定。「我哋啲機平均60蚊夾到一隻公仔，叻嘅20蚊夾到，我認為做生意，最緊要誠信。」
面對大量夾公仔店湧現，他反而認為有競爭才有進步，汰弱留強，「一下子開得太快太多，有調整期是必然現象。」
