圖：在中環的中國銀行分行，市民換到新鈔，未派利是已開心\大公報記者林少權攝

　　仲有兩周便是農曆新年，三間發鈔銀行昨日起發放新鈔，一眾市民紛紛前往換新銀紙，準備新年派利是，就譚鳴昨日在中環中國銀行分行所見，清晨八時許，銀行門口已有近十位市民等開門換新錢。經濟不景氣，市民新年派利是卻「唔縮水」！有市民說，至親會封100元以上，外人則20至50元一封，銀碼與去年相若。電子支付興起，有年輕市民堅持傳統習俗，覺得「現兜兜」收發現金更實在。

　　郭女士趁上班前空隙前來換新鈔。她坦言，尚未見過新銀紙咩樣，「新舊冇所謂，有得換就得」。今年派發利是對象有仔有孫，又有遠方戚友，總預算與去年一樣是5000元，但利是「厚薄」就因人而異，「最大封梗要畀親人，普通人就20至50啦」。她告訴譚鳴，細仔將得到最大封利是500元。

　　「梗係熟嗰啲派多啲啦！」霍先生用半小時終於兌換一萬元新鈔，大讚500元新鈔上面的獅子「靚仔」。他表示，雖然今年經濟不景氣，新年利是會照舊20元一封，但相熟人士仍會「派多啲」。

　　憂電子支付「唔穩陣」

　　電子支付亦無阻市民對傳統「紅噹噹」利是封的執著。芳齡25歲的李小姐換新銀紙僅是對新鈔個樣有興趣，由於舊年換的新鈔還未用盡，決定今年「換住幾千蚊先」。雖尚在閨中未出閣，但無論嚟緊收利是，或將來派利是，都希望收到用利是封包住的現金。另一位60歲的郭先生則擔心電子支付派利是「唔穩陣」，問返譚鳴，「會唔會有漏洞㗎」？

　　昨日起，中國銀行、滙豐銀行及渣打銀行旗下各大分行齊齊發放新鈔及「迎新鈔」，中銀昨日僅提供1000元及500港元面額新鈔，其餘三款面額新鈔，即100港元、50港元及20港元新鈔，將於2019年中至2020年初推出。