豬年未至，先驚爆「迷你豬騙財案」！《大公報》獨家踢爆網上非法售賣迷你豬，不足一星期，更爆出迷你豬騙徒「走數」事件。騙徒先在Facebook發放可愛的迷你豬短片，引買家「落疊」認購走私而來的迷你豬，並指示買家到便利商店以二維碼支付數百元訂金，騙徒收錢後即人間蒸發。另外，騙徒除以迷你豬招徠，還借其他「奇珍異獸」騙財，單單在過去數日，已有逾十人中招，當中五人已向警方求助。\大公報記者 劉心

　　「豬年就到，我就貪得意，想買隻迷你豬返屋企養。我喺fb見到有人話有迷你豬賣嗰陣，滿心歡喜聯絡佢。點知最後中伏，真係唔好彩。」朱小姐於fb看見關姓賣家上載的一條可愛迷你豬短片後，便聯絡他，「賣家話喺內地擁有迷你豬繁殖場，可提供貨源走私到香港，但因為屬高風險走私，所以要我先落五百蚊訂金。」

　　同時賣鬥魚睡鼠

　　「我諗住銀行轉帳過數，點知佢話無銀行戶口。我話要考慮多陣，仲竟然主動減價，由1500蚊減到1000蚊一隻。」朱小姐見價錢吸引，翌日到便利商店以二維碼支付五百元訂金。惟她聯絡賣家已付錢時，對方已不知所終，連fb戶口也刪除。她向記者自嘲：「諗住買隻迷你豬返屋企養嚇應節，依家真係做咗『蠢豬』啦！」

　　「蠢豬」不止朱小姐一人，阿Ken亦中招損失數百元，不過他礙於買賣迷你豬並不合法，故不打算報警，只自嘆倒楣。

　　騙徒除售賣迷你豬呃呃騙騙，亦在不同寵物平台留言，訛稱售賣其他寵物，包括鬥魚及睡鼠等，引買家上釣。盧先生就被騙150元，「我打算買一條鬥魚。問佢攞電話聯絡，佢唔肯畀，話用fb聯絡都好方便。我不虞有詐，點知畀完錢，佢就刪除帖子。我正和幾個寵物平台版主聯絡，希望可以提醒網友加強警惕，提防受騙。」

　　買家亦違法 不敢舉報

　　另一受害人袁先生亦正在網上尋找其他苦主，呼籲到警署求助，有苦主已到將軍澳警署錄取口供。對於騙徒惡行，袁感到氣忿，「我曾接觸多名苦主，但因為被騙金額不大，大都不了了之。我覺得騙徒就係睇準呢點，先肆無忌憚呃人，所以一定要將事情曝光。」據悉，過去數日已有超過十人中招，被騙金額平均約數百元。當中五人已向警方求助。

　　律師謝天良指出，若買賣雙方同意以走私方式，運送迷你豬到港交收，無論交易是否成功，雙方均已屬串謀走私罪，可被判處監禁及罰款。至於網購賣家收錢後失蹤，則可能會觸犯詐騙，「不過喺網上自行交易好無保障，賣家一旦消失咗，就投訴無門，呢類糾紛亦好難仲裁。所以建議市民，應該去一啲有登記，同中介機制嘅大型網站購物，雙方都較有保障。」