BB Cushion含菌量爆燈,皮膚科專科醫生史泰祖指出,如女士臉部皮膚有損傷,或有濕疹或過敏,塗抹含菌量高的化妝品,可引致皮膚發炎、紅腫、出水,甚至有爛面風險。若皮膚發炎,更應馬上停用。「一般化妝品只要有水分,就會容易孳生細菌。尤其放喺潮濕環境,好似浴室,細菌生長速度會更加快。」
皮膚學碩士陸宏隆醫生指出,「臉上有正常細菌,當粉撲將呢啲細菌帶到濕潤嘅BB Cushion內,啲菌就會暴增。所以,如果衛生習慣無咁好嘅女士,用倒出嚟嘅粉底液,會比較乾淨。」陸建議,女士們最好使用用完即棄的化妝工具,化妝前亦先清洗雙手,以減少細菌孳生。