貓氏一家的母親節:吃、玩、看一場小劇場作品。
劇透:講述那些年車衣女工生涯,穿插真人訪問,擺明向母親致敬!
貓爸:小貓,講講觀後感?
小貓:有幾位演員很專業,但有幾個表現生硬。
貓爸:不是問評語,是問你有何領悟?
小貓:原來問呢啲,即是想我答母愛很偉大啦!
貓爸:答得咁Hea,講講哪一幕最有feel。
小貓:扮媽媽的笑住講──每朝天剛亮就起床做早餐,返到廠就埋頭苦幹,車完一件又一件,放工極速買餸,還要邊行邊想定煮乜餸。配埋背景音樂,正!
貓爸:那個年代的工廠女工,個個都由朝忙到晚,既要賺錢,又要照顧家庭。
小貓:家陣媽咪一樣咁辛苦。
貓爸:猜猜爸B最喜歡哪一幕?
小貓:不猜,自己開估。
貓爸:劇中加插的訪問片段,女工憶述年尾幫子女車新衣,件件獨一無二,慈母手中線,幾感人!有沒有留意受訪者邊說邊笑,臉上流露滿足感?
小貓:接着的一幕,兒子有句獨白,話媽媽講起當年經歷,車過很多大牌子的衫褲,他竟然聽到媽媽話「覺得好有成就」。
貓爸:人生,總有一些事可引以為傲。
小貓:收到曬,爸B勿再講人生哲理。
貓爸:小貓,若果要為母愛加上一個期限,會不會是愛足一萬年?
小貓:母愛應該無限期吧!(心想:爸B又星爺上身了!)
貓爸:咁父愛呢?
小貓:呢個有,最新金句:I love you three thousand.