貓爸:小貓,有沒有上facebook看爸B貼了你的相?
小貓:有,你放了很多張。
貓爸:喜不喜歡?爸B拍得不錯吧!
小貓:爸B都是想我答喜歡啫!我真心喜歡!
貓爸:若果真心喜歡,為何不給like?
小貓:說出重點了,原來爸B想呃like。
貓爸:別呃呃聲,多啲人like,開心啲。
小貓:好,為滿足你的需求,一陣狂like。我已經很少上facebook畀like了。
貓爸:小貓一向喜歡人like噃!
小貓:是少上facebook,我們經常玩Instagram。
貓爸:我們?即是你和同學?
小貓:對,我們都用Instagram,玩facebook好out。
貓爸:嚇!爸B都有用Instagram,用家沒有年齡界限。
小貓:那麼你為何不把相片放上Instagram?
貓爸:爸B的朋友慣用facebook嘛!講開又講,Instagram有什麼好玩?
小貓:識睇相梗係睇Instagram啦!
貓爸:計爸B話,facebook更好,一次過放得更多相。
小貓:Instagram好啲,以相為主,啱睇就like。
貓爸:即係小貓都認愛呃like啦!
小貓:社交平台本來就是呃like地,好似舞台,人人做主角。
貓爸:爸B始終認為facebook好,睇埋新聞。
小貓:講新聞,報紙先夠詳盡呀,爸B。
小貓這一句,擺明呃貓爸like。