大公產品

首页 > 生活 > 正文

相處之道\羅家英適時收聲讓老婆

時間:2021-02-07 04:23:17來源:大公報

  圖:疫情下,羅家英(右)與汪明荃多了在家相處的時間。

  羅家英(家英哥)與汪明荃(阿姐)的結合,是一凹一凸的匹配。他們結婚以來,都是各有各忙,一齊在家的時間不多,但自2020年新冠肺炎疫情爆發開始,二人變成朝夕相對。

  有些夫妻因疫情被困在家,相處時出現不少問題。那家英哥又如何面對這種轉變?他說:「我(在家)睇電影、上網看小說,各有各做,都冇乜偈傾。食肆未停晚市前,我們講得最多的是商量去邊度食飯。阿姐喜歡吃日本菜,我們就周圍去,試多幾間。」

  問到阿姐早前在天台曬衫又曬袋?他說:「都唔係佢做,她影相,工人做。我都有曬衫,不過講衫多我唔及佢,佢好多衫。但論戲服,她就唔夠我多。(吃飯時會傾工作不?)都有嘅,傾八和(會館),大家有同一目標,無拗撬。我喜歡打高爾夫球、看電影、踢波,疫情下停曬。現在我一星期飲下中藥,有時瞓下覺,阿姐早起,我好晏才起身。」

  由於有「限聚令」,兩口子多了行山,以及在家附近步行鍛煉身體。

  家英哥說:「有一日鬼咁凍,我哋去了清水灣行路,我行了5000步就返上車,阿姐要行夠6000步。(在家有冇教下阿姐做粵劇?)咪搞,這等於教人揸車,一定鬧交收場。講多句都會嘈,所以我甚少出聲。佢唔係我,隨她意思做,每人都有自己尊嚴。」

  夫妻倆於過去一年相處時間多了,家英哥還是覺得夫妻相處貴於和睦,莫因小事傷和氣。

最新要聞

最受歡迎