黃圈最出名係咩?咪就係老屈、造假、攬炒。前「學生動源」招集人鍾翰林日前接受《立場新聞》訪問，講到自己坐監後俾「女友」飛，搞到全世界鬧爆被視為「女友」嘅前「學生動源」成員何忻諾。何忻諾決定玩大件事，日前喺fb自爆佢同與鍾翰林喺舊年1月已經分咗手，仲俾對方抹黑自己周圍搵性伴侶，「用我嘅裸照嚟要挾我見面、凌晨拍我屋企門，甚至騷擾我朋友，念在曾經有感情，我冇選擇公開。但轉個頭講到我『用完即棄』，我因為佢坐監而分手，呢啖氣我真係吞唔落。」
何忻諾仲踢爆《立場新聞》唔理佢本人嘅澄清，聲稱話要「忠於」鍾翰林嘅「敘述」喎，令佢感慨「《立場》報新聞嘅時候唔在意事情真確性」而造假新聞。成件事派曬花生，引嚟唔少「手足」轉載，《立場》事隔三日先跪低，終於喺內文攝咗一句「(編按：鍾的前女友在本文刊出後公開稱當時二人已分手)」，真係澄清得不費吹灰之力。
