政府前日首次實施「禁足令」 圍封佐敦「受限區域」，並為受影響居民提供生活物資。據悉，完成檢測的居民獲得膠手帶後，同時獲派發一袋載有杯麵、即食麵、意粉或通粉、湯包、沙甸魚罐頭、豆豉鯪魚、茄汁焗豆、午餐肉、麵包、紙包飲品、生果、口罩及清潔用品等的物資。惟環保組織綠色力量創辦人之一周兆祥在 fb 發文唱衰，貼出政府向油麻地封閉區供應每一家食糧後，質問「請告訴我，有哪一樣不食壞人?!」帖文隨即惹來大量負評，有網民話「屋企煲滾水落麵囉，罐頭全部易拉罐呀， 所有嘅嘢都係為反對而造勢」、「有呢d野食已經好好啦，仲想點呀!」、「請你食buffet好唔好?」有網友更發起「一人一張餐蛋麵相」反擊，獲得熱烈響應，不少人仲自稱是「一個食瓌咗嘅人」㖭。周兆祥在群情洶湧情形下，最終刪帖了事。
