圖：導賞團傳媒預覽當日，批發市場內出現非常罕有紐約魚
港人出名愛吃海鮮，近年有環保組織提出「環保海鮮」概念，建議市民避免食用瀕危海鮮，保持生態平衡。香港仔漁業海鮮商會主席兼南區區議會副主席陳富明坦言，漁民保育意識較薄弱，但認為因此呼籲勿吃海鮮，極不負責任，一句話就嚴重打擊漁民生計。
陳富明曾被記者問到紅衫魚數目一直減少，他憶述當時坦白回答：「你哋講一句話嗰種魚有機會絕種好容易，一傳出去可能有啲市民就會話：『啊！我哋唔好食紅衫喇！如果唔係將來都絕種喇！無喇！』專捉紅衫嘅漁民咁就畀你害死囉，佢本來嗰條魚賣十蚊，可能捉到返嚟賣得兩蚊。」他不知道這是否對方想聽到的答案，但「一定要憑良心講」。
為漁民捕捉「魚花」心寒
陳富明承認，香港確實有瀕臨絕種魚類，白花魚、野生黃花魚及青衣魚，如今「已經見唔到」。他說，漁民對保育的警覺性不高，曾見過有漁民捕捉了數十個膠筒的「魚花」，「魚花」就是只有手指甲般大小的魚，體積細小得不能分辨是哪種魚，只能看到魚的形狀，當刻令他頓感心寒，「啲魚花無機會大就畀你捉咗！」然而，他續說：「其實佢（漁民）都好無奈，倒返落海都無意思，因為（魚花）已經死咗！」
