圖：葉劉（右）話今次訪問睇到深圳嘅創科發展真係一日千里
與香港一河之隔嘅深圳，近年大力發展創新科技產業，新民黨主席葉劉淑儀尋日就率團到深圳交流「取經」，參觀大疆、騰訊、華為、香港大學深圳醫院、前海展廳、恒生前海基金管理、中科院深圳先進技術研究院等。葉太同鄭晴講，今次訪問睇到深圳嘅創科發展真係一日千里，智慧城市發展迅速，例如去醫院門診，可以用手機App預約，縮短輪候時間；政府又採用一站式嘅智能公共服務窗口，市民做各項申請唔使喺不同部門間奔走。葉太話，特區政府好應該學嚇深圳，透過創新改善市民生活。佢又相信，港人可以喺兩地合作過程中，搵到唔少發展空間。
