圖：兩位六歲男童「放蛇」買酒，竟然十四間零售店只有三間拒絕/大公報記者文軒攝
「無間道出沒，請注意！」沙田區議員龐愛蘭辦事處上月26日搵人「放蛇」買酒，派出兩個六歲男童同一個15歲女仔，到沙田區七個唔同商號嘅十四個零售點買罐裝啤酒，結果發現僅有三間零售店拒絕兩名男童，而女仔嘅購買成功率更達百分之百，認真係無王管！
而新論壇及龐愛蘭議員辦事處嘅最新民調就發現，16.1%嘅未成年受訪者有飲酒習慣，當中50%喺過去一個月內每日飲酒，暴飲五杯以上嘅未成年人更高達81.8%，較2015年嘅調查數字激增三倍！
歐美國家對未成年人購買酒精飲品規管好嚴，售貨員一旦懷疑購買酒精飲品者嘅年紀，就會要求出示身份證。
咁啱特區政府正擬修訂現有法例，禁向未成年者賣酒，無論是商店還是網購都將全部規管，如果店員對購買人有懷疑，可以查身份證添。
