勞聯最近完成換屆，新嘅核心成員換上咗年輕面孔。過往擔任副主席嘅「80後」林振昇（上圖）再上一層樓，成為主席；另一位「80後」譚金蓮（Jenny）（下圖）就由社會事務主任晉升為副主席。不過阿昇就同鄭晴講，自己雖則係80後，但不知不覺都喺工會十年，已經唔年輕喇喎！
今屆秘書長周小松就話，今年都特登換上年輕人上場，提供多啲機會，另外懸空咗好幾年嘅「總幹事」位置，亦都重金禮聘搵到合適人選，由電職工會副理事長朱育青出任。
另外，阿昇又提到，近年能源及碳排放審核員助理成為新興行業，唔少合資格嘅電工工友都可以參與工作，因應需求，有工會四月中就成立「能源效益行業總會」，創會會員有35人，日後當總會運作穩定，會再睇睇有無空間成為勞聯屬下工會。
